السردية الخامسة

محطة: غير معلوم

الراوى: د/عمرو خيري - راكب سابق للترام

مصر الجديدة في وقت كان عندها مترو اسمه الدايري. لو أنتي عارفة مترو مصر الجديدة، كان هو 3 خطوط. في خط اسمه الميرغني- بيمشي في اتجاه معين يعني- وفي خط تاني اسمه النزهة، والخط التالت كان اسمه عبد العزيز فهمي. فالتلاتة، كان واحد أظن أصفر، أحمر، أخضر; حاجة زي كده. المهم، أن كان في خط واحد اسمه الدايري، ده كان ايه بقي، كان بيربط خط مترو الميرغني بالنزهة ببعض. يعني مثلا، نركب المترو ده نقعد فيه بس، نقعد نلف بقي. مترو يلف بينا مصر الجديدة، رايح جاي، رايح جاي، فدي لوحدها كانت فسحة بالنسبة لنا بالنسبة للبعض…

push_pinالوسوم