احنا كنا نروح نلم الأوطة كدا في سبت وناخدها ونطلع عالترام نحدف الترام بالطماطم، كنا نحدف الناس بالطماطم ، الترام والناس .... بقينا ايه السواق اللي مايقفشي نستناه بقى نستقبله بقى وهو جاي ، بنبقى عارفين شكله، ساعة ما نشوفه كدا نوزع نفسنا بقى ايه لحد ما الطقم كله يت ...
كنا انا وصحابي ساعات نركب التروماي لو زحمة ولا حاجة مبنعرفش ندخل من الباب كنا بندخل من الشباك، وبرضو لما يكون زحمة واحنا نازلين كنا ننط من الشباك واحنا نازلين. ، -طب والناس اللي قاعدة جوا عالكراسي، بتدوس عليها ؟ -بندوس عليها، هما بيدوسو علينا ماحنا متعودين على كد ...
لما اشتغلت شغلي أول وقت ابتديت اخرج للمجتمع المدني وابتديت اعمل ورش وأنشطة مع الأطفال كنت بعمل حاجة مع الكشافة وخصوصاً مع بتوع ذوي الاحتياجات الخاصة فكانوا عاملين يوم في نادي اسمه نادي السكة تقريباً في مصر الجديدة هو عنده الترام بيعدي من عليه فالمكان كنت اول مر ...
في الستينيات أنا كنت بستخدمه حتى…انا في وقت مثلا كنت ساكن جنب ميدان سفير، والمدرسة بتاعتي كانت في منشية البكري. ما عنديش فكرة ليه والدي ووالدتي عملوا فينا كده، حطونا في مدرسة بعيدة، لكن في وقت كنت بركب فيه المترو كل يوم أنا وإخواتي يعني، نروح بيه للمدرسة يعن ...
مصر الجديدة في وقت كان عندها مترو اسمه الدايري. لو أنتي عارفة مترو مصر الجديدة، كان هو 3 خطوط. في خط اسمه الميرغني- بيمشي في اتجاه معين يعني- وفي خط تاني اسمه النزهة، والخط التالت كان اسمه عبد العزيز فهمي. فالتلاتة، كان واحد أظن أصفر، أحمر، أخضر; حاجة زي كده. المهم، ...
كان مشهور كمان بالمناسبة حكايات حالات تحرش، ودي يمكن حاجة مهمة للجيل الجديد. أوقات ما بيعجبنيش أما أشوف الجيل بتاعنا يحاول يصور للجيل الجديد أن أيامنا كانت الدنيا جنة وأن خلاص الدنيا باظت في حالاتهم. يعني احنا برضوا أيامنا كان في تحرشات بتحصل في المواصلات العام ...
مرة كنت بعد شغلي في مصر الجديدة كنت مضايقة جداً وحزينة جداً فركبت الترام ومكنتش حاسة بالوقت لحد ما الراجل قالي -كان بالليل كمان- قالي احنا خلاص هنجرش انزلي هنا فقولتله طيب ماشي، فحبيت أن الترام هون عليا الوقت اللي انا مشيته فيه فالهوا وانا في الترام محستش بالوقت ...
وفاكر الحادثة بتاعت المترو من عند ألماظة اللي مشي لوحده. حصل تفريغ لهوا الفرامل والمترو اتحرك لوحده والمترو فضل ماشي من ألماظة لميدان سفير وقتها كان السواق معرفش ينط جوا المترو فضل متشعبط على شبابيك المترو ينبه الناس اللي بتقابله أنه يبعدوا عن المترو عشان ماشي ...
مرة قتلت واحد في 2003 عند سانت فاتيما، كان الرصيف بتاع المترو بيكون عليه يفط اعلانات والراجل ده كان واقف ورا اليافطة ووانا معدي طلع فجأة من جنب اليافطة وانا مكنتش شايفه فدسته، في سواسقن كتير عملت حوادث شبيهة حضرت منهم 4 حوادث قتل. واحنا السواقين كنا نقول بينا وبين ...